Areatza

Areatza, Zazpi Kaleekin batera, Bilbo hiriaren bihotza da. Izena garai batean itsasadarrak hareak bertan lagatzen zituelako jarri zitzaion, horrela itsasadarraren eskumako bazterretik gaur egungo Arkeologi Museoraino hondartza bat sortzen zen. Antzinako arrantzaleek bertan porturatzen zituzten itsasontziak. Denbora igaro ahala, Areatza Bilboko gune bilakatu zen eta bertan ospatzen hasi ziren ekitaldi politikoak eta jaiak.

Eremu honetan jarriko diren moduluzko karpetan bi liburu-denda egongo dira: umeentzako literatura izango du batek eta literatura orokorra besteak. Gainera agertoki bat egongo da, non gonbidatutako idazleek liburuak aurkeztu eta sinatuko dituzten egunero, dena jazz talde batek girotua.

Etxeko antzezleek umorezko literatura-rol ezberdinak interpretatuko dituzte bertaratutakoen artean. Bestalde, haurrak irakurtzen zaletzeko tailerrak izango dira.

Beste karpa baten Francisco Ibañez-en erakusketa egongo da ikusgai.